SKÝRINGAR

Hnattstöðuviðmiðun
Ef ekki er tekið fram er miðað við hnattstöðuviðmiðunina WGS-84. Hún er lang algengust og þægilegust í notkun. Ef GPS hnit eru notuð með landakortum, þá er nákvæmni þeirra sjaldnast það mikil að hnattstöðuviðmiðun skiptir máli ef verið er að nota lengd og breidd. Ef verið er að nota til dæmis UTM  hnit, þá þarf aðgæta þess að nota sömu hnattstöðuviðmiðun í GPS tækinu og kortið miðar við. Ef þetta er ekki gert, þá getur hliðrun orðið í staðsetningum á milli til dæmis lesinna hnita af kort, sem eru slegin inn í GPS tæki og öfugt. Þessi hliðrum getur hæglega verið meiri en 100 m.

Munur á milli hnita, sett fram sem lengd og breidd í WGS-84 og Hjörsey-55 er víðast hvar innan við 30 metrar. Vegna nákvæmni GPS kerfisins er óþarfi að láta hringl með hnattstöðuviðmiðun auka skekkjuna. Ef notuð eru hnit frá öðrum, gætið þess að nota rétta hnattstöðuviðmiðun. Auðvelt er að skipta um viðmiðun í flestum GPS tækjum og forritum.

Heiti og skýringar á GPS punktum
Misjafnt er hversu marga stafi er hægt að nota í heiti punkta og í skýringar í GPS tækjum og kortaforritum. Valin er millileið og í punktasafninu er miðað við dálkinn, sem heitir GPS punktar í töflunni að neðan.

Við gagnaflutning til GPS tækis til dæmis með MapSource forritinu er klippt aftan af lýsingu punkta ef fjöldi stafa er meiri en GPS tæki getur sýnt. Almennt er miðað við að nota ekki séríslenska stafi því tækin geta ekki sýnt þá. Sama getur átt við aðra stafi svo sem orðabil. Ekki geta öll tæki sýnt þau.

Gengið er útfrá því að heiti punkta sé einkvæmt og 1-6 stafir. Þetta leiðir af sér að erfitt er að hafa nöfn á punktum lýsandi. Flestir punktar eru hluti af leiðum og því hefur verið valið að almenna reglan er að heiti punktar tekur mið af leiðarnúmeri og röð í leið. Sem dæmi má nefna punktana "B2-01" og "B2-02" Þetta eru punktar 1 og 2 í leiðinni B2. Ef síðar bættist við punktur á milli 1 og 2 mundi hann heita "B2-01A". Sviðið "Lýsing punktar" gefur síðan fyllri lýsingu eða skýringar á punkti.

Hnit
Hnit eru almennt sýnd sem lengd og breidd á forminu "N6353.873" og "W1841.445". N6353.873 þýðir norðlæg breidd, 65 gráður og 53,873 mínútur.

Orðasafn - skammstafanir
LP = Leiðarpunktur
Punktur = waypoint
Leið = route
Ferill = track

GPS tæki
Frá upphafi hef ég eingöngu notað Garmin GPS tæki og mest handtæki. Framsetning vefsíðunnar tekur mið af þessu. Í flestum tilvikum ætti að vera auðvelt að nota GPS punkta í öðrum tegundum GPS tækja.

MapSource forritið er mjög þægilegt í notkun og því er jafnt og þétt haldið við. Það þróast með Garmin GPS tækjunum og stöðugt koma nýjungar. Með því er hægt að fá íslenskan kortagrunn með 20 m hæðarlínum fyrir Ísland og sú samsetning hentar mjög vel við meðhöndlun GPS punkta. Þessi sömu kort er einnig hægt að setja inn í nokkur GPS tæki frá Garmin. MapSource forritið heldur vel utan um punkta, leiðir og ferla og er hægt að vera með allt í sömu skránni. MapSource styður aðallega 2 skráarform, eigið form, "Garmin GPS Database" (gdb) og GPX.

OziExplorer getur birt skönnuð landakort. Punktar, leiðir og ferlar sjást á þeim. Utanumhald OziExplorer á punktum, leiðum og ferlum er ekki eins þægilegt og í MapSource. OziExplorer styður GPX skráarformið fyrir punkta og ferla en ekki leiðir. Forritið notar annars eigið skráarform fyrir punkta, leiðir og ferla. Það form er textaform

Gpsbabel er forrit, sem er hægt að nota til þess að varpa skrám með GPS hnitum á milli skráarforma. Það getur til dæmis breytt á milli GPX og OziExplorer skráa. Einnig er hægt að senda og sækja gögn í GPS tæki með því.

Skráarform
Aðallega er notað skráarformið GPX og "Garmin GPS Database"

Vandamál
Ýmiss vandamál


------------------------------------
Einar Hrafnkell Haraldsson,
ehh@ehh.is