Skýringar

Skrárnar eru ýmist leiðarpunktar (waypoints) eða ferlar (track). Fyrir hverja leið er gefin ein eða fleiri skrá.

Skrá, sem endar á "txt" er leið með lýsingum á punktum. Nokkrar gerðir eru af slíkum skrám, sem hafa að geyma mismunandi upplýsingar og uppsetningu. Sjá nánar í lýsingu á formum.

Skrá, sem endar á "rte" er leiðaskrá, sem hentar fyrir forrit frá Garmin, sem heitir PCX5. Í þessum skrám hafa allar leiðir númerið 0, þ.e. R00 og þarf að breyta því í skránum eða í GPS tækinu eftir að búið er að flytja punktana í það. Að svo komnu er miðað við skráarformið, sem er í útgáfu 2.05 af þessu forriti. Nýrri útgáfum af forritinu fylgir breytiforrit til að breyta eldri útgáfum í þá, sem forritið er að vinna með.

Skrá, sem endar á "trk" er ferilskrá, sem hentar fyrir forrit frá Garmin, sem heitir PCX5.

Skrá, sem endar á "zip" er þjöppuð skrá, sem er til dæmis hægt að afþjappa með pkunzip forritinu.

Einfalt er að breyta formi skránna fyrir önnur GPS tæki eða önnur forrit. Ábendingar gefur ehh.

Ég hef áhuga á að fá punktaskrár frá öðrum. Helst sækist ég eftir staðsetningum á skálum og heilstæðum leiðum, sem geta verið gönguleiðir, sleðaleiðir, snjóleiðir bíla eða leiðir eftir slóðum.

Punktar þurfa að vera teknir með GPS tæki. Koma þarf fram hvaða datum er notað (Hjörsey 1955 er æskilegast), Hvort punkturinn er tekinn með "diffrential" leiðréttingu, með rugli eða án rugls. Skrár með leiðarpunktum þurfa einnig að vera með stutta lýsingu á staðsetningu.

Punktarnir eru birtir án ábyrgðar.

Einar Hrafnkell Haraldsson, ehh@simnet.is